ជនជាតិជប៉ុនយកប្រាក់ប្រហែល50លានផោនដែលប្រទះឃើញក្នុងតំបន់់រងគ្រោះពីស៊ូណាមីប្រគល់ដល់ជនរងគ្រោះ
ជនជាតិជប៉ុនបង្ហាញភាពស្មោះត្រង់ដោយការប្រគល់ប្រាក់ដែលប្រទះឃើញនៅក្រោមគំនរបាក់បែកក្នុងទឹកប្រាក់សរុបជាង៥០លានផោន ក្រោយពីកើតហេតុរញ្ជួយដី និងស៊ូណាមី នៅភាគខាងកើតឆៀងខាងជើងប្រទេស ។
អស់រយៈពេលជាង៥ខែ ចាប់តាំងពីគ្រោះឧប្បត្តិហេតុវាយប្រហារប្រទេសជប៉ុនកាលពីថ្ងៃទី១១ មីនា កន្លងមក ជនរងគ្រោះបានទទួលប្រាក់ដែលប្រទះឃើញក្រោមគំនរបាក់បែកសរុបជិត៣០លានផោន ។ ចំណែកក្រុមអ្នកស្ម័គ្រចិត្តនិងមន្ត្រីជួយសង្គ្រោះក៏បានយកទូដែកដែលប្រទះឃើញនៅតាមឆ្នេរសមុទ្រមានចំនួនជាង៥.៧០០ទូ ប្រគល់ដល់សមត្ថកិច្ចប៉ូលិសក្នុងតំបន់ ។
អាជ្ញាធរប្រទះឃើញប្រាក់សុទ្ធចំនួន២០លានផោនទៀតនៅក្នុងទូដែកដោយមានទូដែកមួយរក្សាទុកប្រាក់នៅខាងក្នុងដល់ទៅ ៦០០.០០០ផោន និងមានទូជាច្រើនទៀត ផ្ទុកដោយមាស វត្ថុបុរាណ និងវត្ថុមានតម្លៃផ្សេងៗទៀត ។
ទីភ្នាក់ងារប៉ូលិសជប៉ុន ថ្លែងថា ប្រាក់ស្ទើរតែទាំងអស់ ដែលគេរកឃើញនៅក្នុងតំបន់គ្រោះវិបត្តិបានយកទៅប្រគល់ជូនម្ចាស់រួចរាល់ហើយ ។ គួរបញ្ជាក់ថា ជនជាតិជប៉ុនភាគច្រើនបានរក្សាទុកប័ណ្ណឥណទានរបស់ធនាគារ និងប្លង់ដី ដោយបញ្ជាក់ពីឈ្មោះនិងអាសយដ្ឋាន នៅក្នុងទូសុវត្ថិភាព និងមានប្រជាជនមួយចំនួនយកទូដែកឬទូសុវត្ថិភាពផ្ញើនឹងសមត្ថកិច្ចប៉ូលិស ព្រោះគ្មានកន្លែងគ្រប់គ្រាន់ និងសុវត្ថិភាពសម្រាប់រក្សាទុក ។
លោកកូអេស៊ូ សាអ៊ីគី មេប៉ូលិសនៅក្នុងខេត្តមីយ៉ាមី ថ្លែងបញ្ជាក់ថា «មានទូសុវត្ថិភាព ត្រូវបានបញ្ជូនមកស្ថានីយប៉ូលិស រៀងរាល់សប្តាហ៍ ។ បើទូដែករសាត់អណ្តែតវាអាចត្រូវខូចខាត ប៉ុន្តែយើងត្រូវគិតទុកថា ម្ចាស់នៅមានជីវិតរស់នៅ និងតាមស្វែងរកនៅគ្រប់ទីកន្លែង» ។
លោករីវវជីអ៊ីតូ សាស្ត្រាចារ្យក្នុងមហាវិទ្យាល័យយ៉ូកូហាម៉ា បានថ្លែងឱ្យដឹងពីការយកទូដែក ឬទូសុវត្ថិភាពទៅស្ថានីយប៉ូលិសថា «ការប្រគល់ប្រាក់មហាសាលដល់ទៅ៥០លានផោន ទៅម្ចាស់វិញបង្ហាញឱ្យឃើញពីមនុស្សធម៌របស់ជនជាតិជប៉ុន» ៕
អស់រយៈពេលជាង៥ខែ ចាប់តាំងពីគ្រោះឧប្បត្តិហេតុវាយប្រហារប្រទេសជប៉ុនកាលពីថ្ងៃទី១១ មីនា កន្លងមក ជនរងគ្រោះបានទទួលប្រាក់ដែលប្រទះឃើញក្រោមគំនរបាក់បែកសរុបជិត៣០លានផោន ។ ចំណែកក្រុមអ្នកស្ម័គ្រចិត្តនិងមន្ត្រីជួយសង្គ្រោះក៏បានយកទូដែកដែលប្រទះឃើញនៅតាមឆ្នេរសមុទ្រមានចំនួនជាង៥.៧០០ទូ ប្រគល់ដល់សមត្ថកិច្ចប៉ូលិសក្នុងតំបន់ ។
អាជ្ញាធរប្រទះឃើញប្រាក់សុទ្ធចំនួន២០លានផោនទៀតនៅក្នុងទូដែកដោយមានទូដែកមួយរក្សាទុកប្រាក់នៅខាងក្នុងដល់ទៅ ៦០០.០០០ផោន និងមានទូជាច្រើនទៀត ផ្ទុកដោយមាស វត្ថុបុរាណ និងវត្ថុមានតម្លៃផ្សេងៗទៀត ។
ទីភ្នាក់ងារប៉ូលិសជប៉ុន ថ្លែងថា ប្រាក់ស្ទើរតែទាំងអស់ ដែលគេរកឃើញនៅក្នុងតំបន់គ្រោះវិបត្តិបានយកទៅប្រគល់ជូនម្ចាស់រួចរាល់ហើយ ។ គួរបញ្ជាក់ថា ជនជាតិជប៉ុនភាគច្រើនបានរក្សាទុកប័ណ្ណឥណទានរបស់ធនាគារ និងប្លង់ដី ដោយបញ្ជាក់ពីឈ្មោះនិងអាសយដ្ឋាន នៅក្នុងទូសុវត្ថិភាព និងមានប្រជាជនមួយចំនួនយកទូដែកឬទូសុវត្ថិភាពផ្ញើនឹងសមត្ថកិច្ចប៉ូលិស ព្រោះគ្មានកន្លែងគ្រប់គ្រាន់ និងសុវត្ថិភាពសម្រាប់រក្សាទុក ។
លោកកូអេស៊ូ សាអ៊ីគី មេប៉ូលិសនៅក្នុងខេត្តមីយ៉ាមី ថ្លែងបញ្ជាក់ថា «មានទូសុវត្ថិភាព ត្រូវបានបញ្ជូនមកស្ថានីយប៉ូលិស រៀងរាល់សប្តាហ៍ ។ បើទូដែករសាត់អណ្តែតវាអាចត្រូវខូចខាត ប៉ុន្តែយើងត្រូវគិតទុកថា ម្ចាស់នៅមានជីវិតរស់នៅ និងតាមស្វែងរកនៅគ្រប់ទីកន្លែង» ។
លោករីវវជីអ៊ីតូ សាស្ត្រាចារ្យក្នុងមហាវិទ្យាល័យយ៉ូកូហាម៉ា បានថ្លែងឱ្យដឹងពីការយកទូដែក ឬទូសុវត្ថិភាពទៅស្ថានីយប៉ូលិសថា «ការប្រគល់ប្រាក់មហាសាលដល់ទៅ៥០លានផោន ទៅម្ចាស់វិញបង្ហាញឱ្យឃើញពីមនុស្សធម៌របស់ជនជាតិជប៉ុន» ៕
