សៀវភៅរបៀបប្រើ Ms Word 2010 និពន្ធដោយបុរសវ័យ៨៦ឆ្នាំ
បុរសវ័យ៨៦ឆ្នាំមួយរូបបានធ្វើឱ្យកម្មវិធីប្រើប្រាស់សម្រាប់ការិយាល័យ Microsoft Word 2010 មានលក្ខណៈកាន់តែងាយស្រួលប្រើ ។
លោក Bob Ginsberg ជាអតីតនាយទាហ៊ានរបស់សហរដ្ឋអាមេរិកនៅពេលលោកស្ថិតក្នុងវ័យ១៩ឆ្នាំ ។ នៅក្នុងវ័យ៣៨ឆ្នាំ លោកបានក្លាយជាអ្នកវិទ្យាសាស្ត្រជាន់ខ្ពស់នៅក្រុមហ៊ុន Hughes Aircraft ហើយលោកបានជួយបង្កើតឲ្យមានកែវភ្នែកម៉ាស៊ីនថតមួយមានលក្ខណៈឥតខ្ចោះដែលយានអវកាស Surveyor យកវាទៅថតយករូបភាពពិតនៅភពព្រះច័ន្ទមុនពេលដែលអវកាសយាននិកបានទៅដល់ទីនោះ ។
សព្វថ្ងៃ លោក Bob Ginsberg គឺជាអ្នកនិពន្ធសៀវភៅដែលទាក់ទងនឹងគន្លឹះ វិធី និងបច្ចេកទេសក្នុងការប្រើប្រាស់អ្វីមួយ ។ សៀវភៅរបស់លោកទទួលបានការនិយមចូលចិត្ត ហើយងាយស្រួលអាន ។
សៀវភៅដែលមានចំណងជើងថា "Word 2010 Made Easy" គឺជាសៀវភៅចុងក្រោយរបស់លោក ។ សៀវភៅនេះបានដាក់បង្ហាញ និងដាក់លក់នៅលើគេហទំព័រ Word2010MadeEasy.com ។ មិនត្រឹមតែប៉ុណ្ណោះ សៀវភៅនេះត្រូវបានដាក់លក់នៅលើគេហទំព័រលក់ទំនិញដ៏ធំដែលមានឈ្មោះថា Amazone.com ផងដែរ ។
អស់រយៈពេលប្រមាណជា១៤ឆ្នាំកន្លងមក លោក Bob Ginsberg បានប្រើប្រាស់ Ms Word ជំនាន់មុន ។ លោកបានអានសៀវភៅជាច្រើនដែលទាក់ទងនឹងកម្មវិធី Ms Word ហើយវាហាក់បីដូចជាសៀវភៅទាំងនោះត្រូវបានសរសេរដោយអ្នកមានចំណេះដឹងខ្ពស់ផ្នែកបច្ចេកវិទ្យាដើម្បីឱ្យអ្នកមានចំណេះដឹងខ្ពស់ផ្នែកបច្ចេកវិទ្យាអាន ។ ដោយយល់ឃើញដូច្នេះ លោកបានដោះស្រាយបញ្ហានេះដោយការសរសេរសៀវភៅដំបូងរបស់លោកដែលមានចំណងជើងថា BREAK’N WINDOWS ។
| លោក Bob Ginsberg |
បន្ទាប់ពីលោក Bob Ginsberg ទទួលបានកុំព្យូទ័រថ្មីរួចមក លោកបានស្វែងយល់ភាពខុសប្លែកគ្នាយ៉ាងច្រើននៅក្នុង Ms Word 2010 ។ លោកមិនត្រឹមតែទទួលបានជោគជ័យក្នុងការស្វែងយល់ពីកម្មវិធីថ្មីនេះនោះទេ ប៉ុន្តែលោកថែមទាំងសរសេរសៀវភៅថ្មីមួយជាមួយរបៀបសរសេរផ្ទាល់ខ្លួនរបស់លោកដែលបង្ហាញពីរបៀបប្រើយ៉ាងច្បាស់លាស់ និងងាយយល់ ហើយលោកបានបន្ថែមរូបភាព និងគំនូសបង្ហាញធំៗដើម្បីឱ្យវាមានភាពកាន់តែងាយស្រួលក្នុងការអនុវត្តតាម ។
លោកបានស្នើរឱ្យមនុស្សជាច្រើនពិនិត្យមើលសៀវភៅរបស់លោក ហើយសៀវភៅនេះត្រូវបានកោតសរសើរអំពីការផ្តល់លក្ខណៈងាយស្រួលដល់អ្នកប្រើប្រាស់ ។ លោក Bob Ginsberg ចង់ឱ្យកម្មវិធី Microsoft Word ជំនាន់ថ្មីមានលក្ខណៈកាន់តែងាយស្រួលដល់ប្រើប្រាស់ជាង Word 2010 ៕
លោកបានស្នើរឱ្យមនុស្សជាច្រើនពិនិត្យមើលសៀវភៅរបស់លោក ហើយសៀវភៅនេះត្រូវបានកោតសរសើរអំពីការផ្តល់លក្ខណៈងាយស្រួលដល់អ្នកប្រើប្រាស់ ។ លោក Bob Ginsberg ចង់ឱ្យកម្មវិធី Microsoft Word ជំនាន់ថ្មីមានលក្ខណៈកាន់តែងាយស្រួលដល់ប្រើប្រាស់ជាង Word 2010 ៕
