Strategy to make feel free(វិធីសាស្ត្របើកចិត្តឱ្យទូលាយ)))000000000
ការបើកចិត្តឱ្យទូលាយអាចផ្តល់អត្ថប្រយោជន៍ជាច្រើនដល់ជីវិតមនុស្សដោយនឹកស្មានមិនដល់ ។ នៅពេលដែលលោកអ្នកធ្វើការប្រាស្រ័យទាក់ទងជាមួយនរណាម្នាក់ដោយមិនព្យាយាមធ្វើការវិនិច្ឆ័យ ឬរិះគន់ពួកគេ នោះវានឹងអាចជួយលោកអ្នកបង្កើននូវការអត់ធ្មត់ និងអាធ្យាស្រ័យ ហើយអាចជួយជំរុញខ្លួនលោកអ្នកឱ្យមានចិត្តទូលាយ ។ខាងក្រោមនេះគឺជាវិធីសាស្ត្រមួយចំនួនដើម្បីបើកចិត្តលោកអ្នកឱ្យទូលាយ ។
វិធីសាស្ត្រទី១ ៖ លោកអ្នកគួរតែទៅទស្សនាសារមន្ទីរ ឬមជ្ឈមណ្ឌលវប្បធម៌ពីព្រោះទីនោះគឺជាទីកន្លែងដែលអាចផ្តល់ឱ្យលោកអ្នកនូវអារម្មណ៍ស្ងប់ ។
វិធីសាស្ត្រទី២ ៖ លោកអ្នកគួរតែព្យាយាមសាកល្បងញ៉ាំអាហារថ្មីៗដែលលោកអ្នកមិនធ្លាប់បានញ៉ាំ ។ ការធ្វើបែបនេះអាចផ្តល់ឱ្យលោកអ្នកនូវរសជាតិអាហារថ្មីៗ និងថែមទាំងជួយលោកអ្នកស្វែងយល់ថា នៅលើលោកនេះនៅមានអ្វីៗជាច្រើនដែលលោកអ្នកមិនទាន់ស្គាល់ដែលជាហេតុតំរូវឱ្យលោកអ្នកបើកចិត្តឱ្យទូលំទូលាយ ។
វិធីសាស្ត្រទី៣ ៖ លោកអ្នកគួរតែធ្វើដំណើរកំសាន្ត ចូលរួមនៅក្នុងសកម្មភាពសង្គម និងរាប់អានជាមួយមនុស្សម្នាផ្សេងៗឱ្យបានកាន់តែច្រើន ។ ការដើរលេងកំសាន្ត និងចូលរួមក្នុងសកម្មភាពសង្គមអាចផ្តល់ឱ្យលោកអ្នកនូវចំណេះផ្សេងៗដែលលោកអ្នកមិនធ្លាប់បានដឹងកន្លងមក ។
វិធីសាស្ត្រទី៤ ៖ លោកអ្នកគួរតែចំនាយពេលដើម្បីធ្វើការសម្មាធិ ។ ការធ្វើសម្មាធិអាចជួយឱ្យសុខភាពល្អ ហើយថែមទាំងអាចធ្វើឱ្យអារម្មណ៍ស្ងប់ដែលជាចំនុចចាំបាច់ក្នុងការរក្សាបាននូវចិត្តទូលាយ ៕
ថានិច
